無綫藝員朱璇日前往法國旅行「叉電」，更應攝影師朋友邀約，在當地拍攝一輯婚紗相。她更就相片分享愛情觀，大爆擇偶條件：「樣貌並唔重要，最緊要係鍾意藝術」。

朱璇到法國拍了一輯「單人婚紗相」，背後的巴黎鐵塔更是她夢寐以求的婚紗相拍攝地方。

穿上白色婚紗的朱璇大爆擇偶條件，但不希望另一半是圈中人。

朱璇日前重返留學故地，透過旅遊充電之餘，亦獲攝影師朋友邀約，前往當地景點拍攝了一輯「單人婚紗相」：「法國呢個地方好靚，能夠着住婚紗喺呢度影相係一個好難得嘅經驗。」朱璇更提到巴黎鐵塔是夢寐以求的婚紗相拍攝地方，更形容法國除是讀書的情意結外，亦是最浪漫的城巿。

希望簡單婚禮

朱璇說：「穿上婚紗企喺巴黎鐵塔前，我鍾意呢幅。」雖然預演穿婚紗，但仍是單身的她表示不恨嫁：「我冇咩諗過結婚對象係咩人，但我覺得樣貌並唔重要，最緊要係鍾意藝術，例如畫畫呀、舞台劇等。」問到能否接受藝術家的壞脾氣時，她不認為喜歡藝術的就代表脾氣差：「能夠搵到一個同自己一樣咁鍾意藝術嘅人會啱傾！」朱璇又透露不乏追求者，更曾試過收花！可惜現時追求者未能打動芳心，但她不想與同事拍拖，更不希望以藝人作為另一半：「我希望結婚可以簡簡單單，未必需要擺酒宴客，如果可以嘅話，會想同另一半再去法國，影多一次好似今次咁浪漫嘅婚紗相。」