歌手何弘軒（Alan）最近忙着準備下個月的九展音樂會，又要參與音樂劇演出：「因為年初套音樂劇反應唔錯，主辦單位決定以全新劇目加開3場。」這次他要與逾80個3至16歲的小朋友又唱又跳，更笑說老了：「我已經冇時停，但佢哋好活潑，活躍到不得了，同佢哋玩完都散晒，但佢哋好專業，綵排嗰陣好投入，所以好開心同佢哋合作，搵番做童星嘅感覺。」Alan亦預告音樂會上會唱他創作的兒歌作品，更坦言難度比寫流行曲更大：「因為唔知佢哋睇乜卡通，鍾意啲咩，都要同佢哋傾偈搵靈感。」

Alan與80個小朋友齊齊玩，找回童年感覺。