Rapper譚淇淇最近撈過界，為體育節目《少女同萌》擔任主持，為了在鏡頭前發揮最好的一面，她事前惡補體育資料：「因為我唔叻運動，所以做起上嚟都幾吃力，要睇多啲體育嘢。我講足球比較多，好鍾意意大利嘅巴神（巴洛迪利），睇完佢資料覺得佢好有性格，同我一樣神神化化。」
淇淇為做體育節目主持，不停補習體育資料。
淇淇透露最愛的運動是跑步：「每次一有壓力就會跑步洩憤。（揀男友首選運動男？）我鍾意運動男，因為大大隻，正！」
