電台節目主持杜浚斌（Ben）將於下月三日假旺角麥花臣場館舉行一場「吾港笑」棟篤笑，由於內容是講對小時候的經歷及對香港轉變的睇法，在灣仔長大的Ben專程到那裏拍照，他自爆細個極度頑皮：「全條街嘅人都識我，形容我係最曳小朋友。」由於太曳而慘被父母藤條炆豬肉，Ben說：「有兩次打到死亡邊緣。」入讀名校的Ben亦曾為溝女，與對面學校的男生打交：「啱啱有啲搭棚竹喺度，我就執起當標槍掟過去，好彩冇掟中人，都差啲被趕出校。」新婚的他坦言不怕「破壞王」DNA遺傳下一代：「寧生敗家仔，莫生蠢鈍兒，聰明而曳嘅我可以接受，有得教嘅。」

Ben細個非常曳，試過為爭女而與其他同學打交。