早前為科技大學的迎新日擔任駐唱嘉賓的樂隊movin',唱足個幾個鐘令在場的學生哥勁High。五子獻唱新歌之餘,又首次以Live Band形式唱出為保護鯊魚行動「一翅都唔食」創作的歌曲《別到海底找我》,宣揚護鯊意識。返母校做騷的主音袁學謙更「賣花讚花香」:「今年係第二年返嚟做騷,好榮幸學校肯畀機會我哋嚟唱歌。其實每一年見到新嘅師弟妹就會諗到當年自己點解冇咁好嘅騷睇,有騷睇又有娛樂性,開心啲!」

movin'到校園開騷,宣傳保護鯊魚。