As One無懼以寡敵眾
入大學是不少年輕人的目標，但女子組合As One卻認為入行當歌手的生活更精彩。日前與大學生玩迎新營遊戲的As One雖然以寡敵眾，但她們卻未驚過，皆因有「Game王」之稱的成員Elfa作秘密武器。
As One表示入行後，生活變得更多姿多采。
As One表示入行後，生活變得更多姿多采。
女子組合As One日前應邀參加大學迎新營活動，與一眾大學生玩遊戲。年紀輕輕便出道的As One自言未體驗過大學生活，因此曾對「大學生」的身份有過憧憬：「初初會有，可能入行前會諗『唔知大學係點呢？』即係住宿舍、參加唔同團體咁，又覺得有好多同學仔，同埋識到好多唔同嘅朋友。」
拯救宅女
然而，她們卻覺得入行後的生活更多姿多采：「依家覺得其實做嘢都幾開心，因為我哋依家係讀『社會大學』，學到嘅嘢會更多、更加唔同，同埋我哋都好鍾意依家嘅工作！」
As One早前參加大學迎新營，雖然「人丁單薄」，但她們卻自信十足，全因有成員Elfa當王牌。性格「男仔頭」的Elfa原來私底下是「Game王」，「槍Game」更是她的至愛：「我試過為咗打機唔瞓覺，就連搭車都會用電話玩Game，甚至連街都唔出，搞到好似冇咗自己生活咁。」其他隊友眼見Elfa變成「宅女」，紛紛出招「威逼利誘」：「試過有次我哋約好咗練完舞出去食飯，但佢返咗屋企換衫之後就話：『我落晒妝喺屋企打機，唔想出去喇！』最後我哋要去佢屋企樓下接佢，同埋用嘢食去引到佢出街！」
