鍾嘉欣、陳展鵬、唐詩詠及高海寧等，昨日到荃灣一個中草藥園宣傳劇集《大藥坊》。鍾嘉欣揚言若《大》劇平均收視達三十多點，將舉行Poolside Party慶功：「我到時會着懷舊一件頭高衩泳衣！」問到屆時可會穿三點式出席慶功派對？唐詩詠笑說：「留畀鍾嘉欣，我着兩件頭泳衣得喇！」

最近忙於趕拍《張》劇的陳展鵬不敵炎夏，曬到嗌救命！

陳展鵬（左起）、唐詩詠及鍾嘉欣落手落腳，為觀眾炮製以中藥做材料的小食。

嘉欣揚言《大》劇收視創佳績便會穿水着慶功，到時千祈咪縮沙！

陳展鵬亦笑言不介意穿三角泳褲亮相慶功派對，並透露最近忙於拍新劇《張保仔》：「浩然病咗辭演，依家先拍晒我啲戲份，日接夜開工，每日曬足10個鐘！雖然冇暈低，但體力下降得好快，第二日開工已經有幾個臨時演員暈咗，我都瘦咗4、5磅。套劇11月去上海拍外景時應該落緊雪，套劇真係好似玩冰火咁！我就嚟頂唔住喇，希望洪永城完成造型後快啲開工！」