歌手鄧麗欣近日除忙於打理自家品牌生意和電影宣傳外，並將推出第一首國語歌《一直追》，更為拍此曲MV而挑戰笨豬跳！

Stephy表示跳完之後感覺超正，揚言要Encore！

Stephy在MV中造型百變，這個羽毛Look盡顯貴氣。

為谷新歌，Stephy首度挑戰笨豬跳，大感呼吸困難！

鄧麗欣（Stephy）

鄧麗欣（Stephy）的新歌今日正式面世，這是她加盟太陽娛樂文化後的第一首主打歌曲，她坦言緊張：「我都有四年冇喺香港出新歌，所以真係好緊張，但當我知道Paco（黃柏高）對我嘅表現好滿意時，我即刻放心晒。」

MV中，Stephy的造型百變，包括型格西裝Look和高貴羽毛造型等。為了給觀眾突破和跳出框框的感覺，她更要在MV中挑戰「笨豬跳」！

超正嗌Encore

首次玩笨豬跳的Stephy，笑言起初對這個決定大感後悔，但跳後卻覺得很有趣：「跳落去嗰時好似呼吸唔到咁，身體好似隨時會飛走，同埋喺上面望落嚟真係有啲驚，但跳完之後覺得超正，我仲即刻同導演講好想跳多次！」