歌手林二汶一連五場的音樂會前晚圓滿結束，尾場請到音樂大師倫永亮（Anthony）擔任嘉賓，二汶說：「如果一個女人一生係為咗等一個男人，或者女人啦！咁一個女歌手一生一定係等緊呢位大師。」Anthony在台上為她彈琴伴奏，更合唱《沙沙的雨》。

二汶與倫永亮合唱一曲，非常動聽，他們更抱抱。

對於請到大師助陣，二汶表示相當緊張：「緊張到連指甲油都未搽完。」

而Anthony自爆開場前吃月餅，不慎令二汶硬食「二手餅碎」：「大家見面就喺度笑，點知佢Feel到塊面有月餅，真係好冇儀態。」被噴到滿面餅碎的二汶笑說要再化新妝出場，更勸Anthony不要再吃月餅。