周永恒（Roy）和趙頌茹（Yu）兩公婆鬧出家暴兼阿Roy被揭偷情，終於搞散頭家，昨午驚見阿Roy帶同大女信希、細女愛希、母親及外婆匆匆離家「速逃」，終令一家人不能佳節團聚。

阿Yu要求中秋節見女，但原來「另有目的」。

Roy帶同大女信希和細女愛希、母親及外婆匆匆離家，避開老婆阿Yu。

Roy跟家人食飯慶中秋，又為大女送上生日蛋糕。

Roy帶兩個女睇魚，盡顯慈父一面。

昨日中秋團圓佳節亦是信希農曆四歲生辰，惜今年未有母親阿Yu陪伴慶生過中秋。昨午三時半，記者發現Roy抱住熟睡的壽星女信希，細女愛希則由周母拖着聯同外婆，一行五人急急從周母寓所離開，見有傳媒守候的Roy大為愕然，急步登上的士。問到去哪裏？Roy邊閂的士門邊答：「去慶祝，大女生日呀！（去邊慶祝呀？）去玩波波池。」隨即絕塵而去。

Roy速逃，除為大女慶生，原來內有「蹊蹺」，Roy身邊人表示前晚阿Yu聯絡Roy要求見信希慶祝生日及過中秋，Roy本想這次見面，令兩人關係有轉機，故欣然答應，還提議一家人食飯過節，但阿Yu未有答覆，Roy便改約晚飯後見面。直至昨午阿Yu突然要求探女，Roy當時仍不明所以：「Roy收到風有傳媒會陪同阿Yu一齊回來，Roy唔想被人利用做『爭女大龍鳳』，所以臨急臨忙拖住兩個女離開。」據悉他本想借今次「母女重逢」令老婆回心轉意，覺得阿Yu只是一時被人利用做新聞，現「團圓夢碎」，Roy要避見阿Yu。而Roy「速逃」後不久便接到阿Yu來電說要「終止見面」。

慈父上身

而本報亦接到讀者報料指Roy一行九人在天水圍某酒家晚饍，期間Roy帶兩寶貝女去睇魚，至尾聲時Roy給大女送上生日蛋糕。然而自家暴出走後，阿Yu已兩星期「忍住」不見兩個寶貝女，日日牽掛，據悉她曾諮詢律師有關爭取撫養權，律師指若雙方太多負面新聞，法庭有機會將女兒判給社署，阿Yu才未有輕舉妄動。記者致電阿Yu問到未能與大女慶生？阿Yu說：「做阿媽最記掛一對女兒，我衷心祝福每個家庭都要活得幸福！」昨又有爆料指Roy過去一年曾動粗七次，記者再致電Roy，惟一直聯絡不上。