藝人黃浩然因患病入院，其擔正的新劇最終易角，由上位小生洪永城頂替！昨日他在電影城開工時透露公司於兩日前通知，因機會難得而放棄原定出埠的機票及酒店，更笑言預計未來4個月會「斷六親」!

甘願「執二攤」的洪永城正努力溫習劇本。

於《張保仔》擔正的浩然因病遭易角，慘！

無綫新劇《張保仔》已開始拍攝，陣容鼎盛！

香香頗擔心浩然的病情，並祝福對方早日康復！

患上「貝賽特氏症」的黃浩然正於醫院休養，未知何時出院，奈何新劇《張保仔》近日已開工，浩然更孭重戲，令劇組相當頭痛！經商討後決定易角，由小生洪永城（Tony）頂上，身為高層余詠珊愛將的他今次絕對是「時來運到」！

臨危受命的Tony昨日以一身戲服現身電視城，他透露前日接獲高層曾勵珍通知：「本身我冇劇喺身，只係攞咗假同啲新西蘭朋友去旅行。（但揀中你！）其實公司都好多人，可能我身上有張保仔特質，公司都好好，等我拍完個廣告先剃頭，呢套劇又係大製作，喺個廠度搭咗個特效景。」他透露正努力溫習劇本，待月中正式投入拍攝，稍後會隨大隊到橫店取景：「預咗呢4個月斷六親！」對於與同受公司力捧的港姐陳凱琳（Grace）較多對手戲，Tony不諱言Grace獲前輩大讚表現不俗，寄望齊齊加油擦出火花，提到為新劇犧牲假期，他坦言冇所謂：「都係蝕咗張機票同酒店錢，但難得個角色有挑戰，對我嚟講其實賺咗！（同浩然熟唔熟？）合作過一次，見過幾次面，希望佢快啲好番。」

香香送祝福

《張》劇監製梁材遠接受電視台訪問時表示昨日與浩然家人通電後，獲悉其情況已有好轉，故會密切留意其進展，更指頂替的Tony為人樂觀又專業，但氣質確跟浩然有少許不同，故會作出調節，亦基於易角而令拍攝有少許影響，有部分場面更要重拍。至於曾與浩然合作劇集《無雙譜》的岑麗香，昨日得知浩然生病後亦送上慰問：「雖然唔熟，但都希望佢早日康復！（有冇試過拍劇辛苦到病？）暫時冇，因為每次拍完劇都好想返加拿大，叉完電返嚟就OK！」