錢嘉樂逼盈盈做跟班

錢嘉樂、湯盈盈、關秀媚及田蕊妮等昨日出席九展舉行的法會，錢嘉樂的「舊愛」關秀媚笑言要攬盈盈「示好」，但不方便攬嘉樂，嘉樂說：「盈盈代表咗我。（同佢多聯絡？）唔太多。（唔帶囡囡？）本來盈盈帶女返學，但佢要嚟睇住我！」盈盈聞言即大爆嘉樂「逼」她監場。談到囡囡上學有否扭計？嘉樂大讚囡囡聽話，又識在演唱會台上向媽咪揮手。而關秀媚則自爆力邀「舊愛」錢嘉樂與老婆齊齊現身：「叫佢帶太太同小美女（嘉樂女兒）嚟。（分開後有聯絡？）忘記咗（舊情），冇諗。」並自認感情生活良好又健康，暫無意回歸幕前。此外，已非首次參加法會的田蕊妮談到近日有小狗被放進洗衣機虐待一事，她扯火說：「好憤怒同好慘，唔想睇同唔想提，要早日將對方繩之於法！」