宇宙最強甄子丹一向愛錫姨仔汪圓圓，他本在新西蘭拍攝電影《臥虎藏龍2》，當知道姨仔分娩日期便立即向劇組請假回港，昨日他與太太汪詩詩偕女兒一早到醫院，離開時，子丹不時用手護女兒面以免入鏡。問到詩詩有否見到B女？她說：「見到。（幾重？）遲啲講。（蔡加讚喺上面陪圓圓？）係，晏啲我哋會再返嚟探佢。（圓圓生完好攰？）OK。（幾時出院？）未知。（妹妹生B係咪好感動？）好開心。（圓圓有冇感動到喊？）留番佢哋講。」她昨日還在Instagram上載氣球相片恭喜圓圓和加讚。而圓圓表妹湛琪清約三時半與女友人到醫院探B。

甄子丹與妻女到醫院探圓圓，又不時用手護女兒面以免入鏡。

詩詩（圖）講圓圓生B時眉飛色舞，又上載腳板氣球恭喜，而湛琪清亦前來探表姐。

湛琪清

另外，圓圓好友琦琦透露汪媽媽已短訊告知圓圓生B女，她想BB出世後才買禮物，會買實用物品及BB衫，問到有否傳授湊B心得？她說：「平時會講湊B經，佢家姐詩詩咁有經驗，一早有過招畀佢。」