「細細粒」陳嘉佳近日孖住明星貓「忌廉哥」擔任開幕禮嘉賓，貓不離手的細細粒自爆滿屋「病貓」：「我屋企養過4隻貓，不過我磁場唔太好，啲貓成日病同養唔肥，呢排仲有隻貓日日嘔白泡！」

陳嘉佳和忌廉哥身形同樣咁有分量，難怪一見就咁Friend！

近年獲邀拍電影的她興奮自爆再與周潤發對戲：「我喺《賭城風雲》演發哥表妹，今次續集仲有份繼續客串！我好開心，希望長拍長有！」細細粒又自爆在社交網站上遭冒充，對方以「陳嘉佳（小寶）」名義邀請近千位朋友，令細細粒「嬲爆」！