早前與何傲芝傳緋聞的藝人張明偉對緋聞大感無奈，問到有否因此而工作量大增，他說：「冇多到，反而有啲避忌，唔想人哋覺得我博出位！我呢啲默默耕耘嘛！」明偉近日正忙於拍攝新劇《水髮胭脂》，於劇中與羅鈞滿齊演樂手。雖然經常要通宵拍劇，不過明偉不怕辛苦：「拍嘢好多時都係咁，我依家嘅體能應付到嘅！」

明偉對音樂有濃厚興趣，希望有這方面發展。

身兼無綫藝人及樂隊Leohart主音的明偉可謂瓣數多多，近日更撈過界做主持！明偉說：「嚟緊會做《Music Cafe》嘅主持，好多謝公司畀呢個機會我，都想識多啲音樂人。」八足咁多爪的他笑說拍劇時最忙，夾Band只好選不用拍劇的時候。