谷胸陳嘉桓慘遭粗口問候
「潮藍星人」洪天明和「性感女神」陳嘉桓齊齊出賣色相,瞓身為電影《男人唔可以窮》拍宣傳短片。洪天明惡搞爆紅日本廣告;陳嘉桓推銷信用卡時慘遭客人用粗口問候!
Rose低胸夾出事業線,天明「潮藍星人」Look都唔夠佢搶眼。
天明惡搞日本廣告,又幾似呀!
Rose晒腰又晒腿,好性感呀!
「潮藍星人」是一眾潮人的模仿對象。
洪天明偕陳嘉桓(Rose)早前在工廠大廈拍攝新電影《男人唔可以窮》宣傳短片。天明將自己染藍,更惡搞日本廣告博出位。而Rose亦不輸蝕,誘人長腿再以白色上衣谷胸晒腰,「女神」封號實至名歸。
Rose透露並非刻意作性感打扮,只是希望忠於原著小說內的角色造型。但身旁的男性卻對「大胸YoYo」敬而遠之:「導演話即使我咁高又有長腿,都要我着五吋高踭鞋,啲男人其實唔希望我咁高!」而在宣傳片中,Rose飾演電話售貨員向陌生人推銷信用卡,但「一輪嘴」不斷硬銷的她,最後卻慘遭潮州顧客用粗口責罵,問到她有否用粗口回敬時,她笑說:「我點會講粗口呀?」
久未嘗試浮誇
另外,同場的洪天明亦出賣「色相」,把整個上身塗上藍黑色顏料,扮日本爆紅廣告玩噱頭,他笑說久未嘗試誇張造型:「上一次都好似係為咗歡樂今宵演啲趣劇。」
同時他又呻日前被傳媒在澳門偷拍公然拖女一事,怒罵報道失實,可能會形響到家庭關係:「萬一我太太諗唔通做傻事點算?如果我老婆有咩事,我一定唔會放過佢哋,有啲嘢我覺得適可而止!」