無綫11月將開拍以鬼為題材的喜劇，監製徐正康本來屬意由陳豪及蔡少芬（Ada）擔任男女主角，Ada亦已推掉兩、三套內地劇準備拍攝，但篤信基督教的她後來因信仰問題辭演，角色由田蕊妮頂上。Ada受訪時說：「以前拍完《陰陽路》後，十幾年嚟都冇拍過。（推咗兩、三套內地劇，損失幾千萬？）唔可惜，睇吓之後再接過囉！」至於篤信佛教的田蕊妮則說：「每個人選擇唔同，我就冇所謂，今次係首次同陳豪合作，好期待！」

蔡少芬因信仰問題辭演新劇，令陳豪大感可惜。

陳豪

此外，問到未能與Ada合作，有否感到可惜？陳豪說：「大家係好朋友，今次冇機會，希望下次有。Ada係一個好對手，對人好、又好玩同癲，兩、三年冇合作，同阿田就第一次合作，有新鮮感。」