家暴事件主角周永恒昨日受訪，除了喊晒口讀出為太太趙頌茹（阿Yu）撰寫的道歉信外，坦言曾幻想三人同床的他自認人渣，又自言不知太太現時身在何方，但對方未曾提出離婚。

周永恒受訪時朗讀悔過書贖罪，期望阿Yu可原諒他，一度感觸落淚。

周永恒

Roy的瘡疤愈揭愈多，阿Yu會否放開胸懷原諒他仍是未知之數。

周永恒（Roy）背妻與「小三」劉依靜（Ruby）發展婚外情，最終演變成家暴，更令太太趙頌茹（阿Yu）要入院縫針兼離家出走。全力照顧兩個女兒的Roy昨日以頹喪Look接受nowTV節目訪問，更朗讀為太太撰寫的道歉信，期間失控痛哭流涕兼兩度仰天長嘆！

經過連日靜思後，他認為家庭最重要，悔疚做了令太太心碎的事：「今日喺全部香港人面前向太太趙頌茹道歉同認錯，我知做錯咗！呢11年嚟做錯好多嘢，你一直包容，有你喺身邊扶持，我一時受唔住誘惑出去偷食仲呃埋你，畀着係我都嬲，唔會原諒周永恒呢個人渣！」他承諾不會再犯錯，希望太太可給予一次機會，見證兩個女兒成長。

精神極差有幻覺

有指阿Yu憑身體特徵認出他是情慾照主角、又曾因情緒問題企圖自殺，他只透露與太太仍有聯絡，內容圍繞女兒、工作及家務等，但從未聽聞太太要求離婚，對方亦未有追問他與Ruby的關係。問到太太現時身在何處？他無奈地說：「佢喺牧師屋企住過，長洲又住過，佢今日打畀媽咪話想帶兩個女出去玩，同埋租咗屋，15號交吉，我好想同佢直接對話！」提到他在網上留言問網民想他死還是坐監，他自言精神欠佳，因事情已超越他可處理的範圍，更疑似出現幻覺：「抱住個女落街時見到太太推住BB車買餸，佢好攰仲流汗，搞到咁瘦，覺得點解娶你返嚟要對你咁，仲要整到你多撻疤？我太憤怒就去咗另一個狀態。（覺得自己有精神病？）咁要搵個精神科醫生先答到。（有指你有濫藥習慣？）2004年被控管有危險藥物，之後都冇。」對於被指只給太太140港元家用，他表示家中櫃桶有一疊5cm厚的100元人民幣給太太用，沒有經濟問題。

他其後談及與Ruby的婚外情，自覺對不起太太，亦曾試探太太的口脗，心中仍想繼續這段情：「我賤格、鹹濕同貪玩。（唔用腦，淨係用下面諗嘢？）嗯……（有冇諗過同太太、Ruby同床？）幻想過。（3P？）冇。」談到網上瘋傳疑似他與Ruby的情慾照，他自爆曾與太太瀏覽有關討論區，亦有看過該些照片：「佢見到啲相都話正同變態，但唔知點解隔咗咁耐，報道就話啲相係我。」主持梁思浩指他曾想過自殺時，Roy說：「發現屋企好似散晒，碎到係死咗都唔知可唔可以挽留！如果好多人想我死、太太想，我可以死畀佢睇，但諗起兩個女就覺得呢個唔係解決辦法。依家攬住個女瞓，望住大女就好似見到阿Yu咁，好似係止痛藥，相信佢同我有一樣諗法。（話你要求太太玩『集體遊戲』？）呢啲係夫婦之間嘅私事，唔想回應！」

另外，官恩娜表示與周永恒夫婦並不熟落，但認為男人出手打女人是不能接受的事。問到能否接受出軌？她說：「唔知由自可，知道仲有證據一定決絕分手！」對於好友周永恒（Roy）認錯兼自爆曾幻想與太太及Ruby玩3P，又表示曾與阿Yu睇鹹相，歌手可嵐說：「兩公婆睇鹹相係性趣，至於玩3P就有啲奇怪。」她又隨即出言力撐：「佢都大方認錯，係改過第一步，應該原諒同畀機會。」