「咪神」高海寧（高Ling）昨日以低胸裙亮相食品推廣活動，即席炮製美食兼俯身露出事業線，愛煮創新菜式的她笑言細佬是御用白老鼠，又指將來應該留得住男友或老公的胃，盼望覓得喜歡煮食的男友，但她卻自嘲是宅女，故目前還未識到男仔：「我人生嘅樂趣係留喺屋企食嘢、睇書、聽音樂，公司又搵唔到對象。（眼角高？）唔係，身邊對手都係高質素筍盤！」

高海寧即場整雞尾酒冧粉絲。

提到馬國明被爆與寰宇小花徐佳琦蜜運，她笑說：「係囉封晒盤！好嘢都畀人搶晒，馬明鍾意女神Feel。（你都係女神！）我會搵到識欣賞我嘅男神。」

她又直言不介意與宅男拍拖：「要周圍去我反而冇咁嘅精力，最好同我喜好差唔多，作家都幾有文學修養！」