性感女神舒淇昨日出席手錶活動時透露，現忙於拍戲、節食及養貓，又笑言最近與她合作拍戲的陳坤及黃勃等男星的臉都比她小：「我好懷念同姜文、葛優拍戲，因為佢哋塊面大過我，依家希望一個月減4磅，兩個月6磅！」她又透露最近在蒙古拍戲，問到愛貓是否由緋聞男友馮德倫照顧，她說：「有助手睇，唔使佢。（《好報》影到佢帶你隻貓去美容院？）佢對隻貓都有感情。（你哋係咪同居？）如果我唔喺度就會上去睇貓。」當記者再追問感情事時，她即不願多談。

舒淇自爆要積極減肥瘦面。

舒淇以品牌女裝腕錶大中華區代言人身份出席活動，她表示簽了三年合約，而她早前以女神造型在法國拍攝廣告，問到如何才能當女神，她說：「除咗靚，亦要有自己嘅諗法同風格。」又指拍完廣告後是她的生日，品牌特別送了一個有二千多年歷史的古代銀幣給她，她大讚有價值。