久未合作的陳豪與蓋鳴暉昨日出席新劇《水髮胭脂》煞科宴，陳豪否認與太太陳茵因生育問題冷戰，並冧爆說：「Queen Say Yes（女王話得），我唔可以Say No！」同場的陳智燊則表示與女友宋熙年已見家長，不排除「閃婚」！

陳豪尊稱老婆做女王，果然係愛妻號！

Jason同龔嘉欣玩到咁開心，唔怕宋熙年呷醋咩？

宋熙年

視帝陳豪昨日偕蓋鳴暉（Joyce）、陳智燊（Jason）及龔嘉欣等現身煞科宴，陳豪表示將休息兩個月，11月開拍監製徐正康的時裝劇。有傳與太太陳茵媺因生育問題陷入冷戰，他澄清二人想法言行一致：「佢係我Queen，Queen Say Yes，我唔可以Say No！（放假追多個？）我想多啲時間陪吓佢哋，之前拍劇唔見咗人，見佢對住小朋友24小時幾辛苦，依家可以幫輕吓。」並透露打算再帶囝囝游水，中秋會陪家人度過。至於有傳被演其女友的朱璇姣溝，他否認：「冇咁嘅事，我係個爸爸。」

身形發福不少的他笑言Joyce與Jason經常搶住「萬歲」，昨晚也由Joyce筵開八席，他大讚對方沒變：「Joyce終於感受到拍劇嘅威力，由06（早上6點）開到28（凌晨4點）。」而Joyce表示試過凌晨5點收工，凌晨5點半開工：「唔會唔拍，比預期辛苦得多。（幾時再拍TVB劇？）過埋今年先，怕就唔會做啦！好在呢兩個月冇病過。」她又大爆陳豪拍攝期間超大食，又讚他榮升視帝後也毫無架子。

陳智燊隨時閃婚

另外，問到早前與宋熙年公開戀情的Jason是否好事近？他笑說：「未有咁快，我哋穩定咗，會以結婚為目標，依家儲錢買樓。（計劃幾時？）至少一年後、四年內，如果突然好想結婚，撞到時間啱都唔排除。（奉子成婚？）會先結婚。」他稱與女友有默契，對方未有催婚，但父母恨抱孫，又直言已見家長，「岳母」對他印象不錯，母親也對未來新抱評價80分。至於宋熙年昨日在另一活動上透露，二人將參加同事婚禮共度中秋，提到男友想結婚，她說：「報道話佢40歲前結婚，冇刻意畀時限，工作為先。（有BB先結？）我哋都想準備好先生小朋友。」