女星劉心悠前晚出席朱古力品牌GODIVA活動時表示，剛從韓國拍飲食節目回來，問到可有艷遇及是否喜歡韓男？她說：「同我哋一齊有三個韓國攝影師好靚仔，咁算唔算艷遇？（有冇撩你？）語言不通，我淨係識得講兩句，我感覺韓國男仔好溫柔，但同時都可以好大男人，我唔會揀係咩國家，啱就OK。」她早前曾表示有圈外男士追求，可惜結果是「冇米粥」：「性格同時間唔啱，大家開工時間唔同。（減產留多啲時間識男仔？）唔會，我好享受工作，唔會放棄工作去識男仔。（驚唔驚冇時間識？）有少少驚，呢個係事實。（但你又唔肯減少工作？）咁有工作又唔可以拒絕。（今年中秋節又自己一個？）唔係自己一個，要開工，同埋呢日係家庭日，會同屋企人一齊慶祝。（屋企人有冇畀壓力你？）佢哋已經講到唔想講，食月餅算喇！」

劉心悠悉心打扮出席活動。