歌手可嵐與Roy夫妻老友鬼鬼，曾遭家暴的可嵐對於「小三」介入好友婚姻頗為氣憤：「佢啲戲好叻，唔明點解成日上人哋屋企，仲讚兩個女可愛，做小三做到咁好離譜，太高招兼境界高，名導演搵佢拍戲啦！（覺得對方淫？）佢永遠都低胸同着得好性感。（Roy會講鹹濕嘢？）都會。」她表示與阿Yu較老友，問到會否覺得「小三」唔知醜？她說：「當然啦！（會疏遠佢？）當然會，都不知幾痛恨小三，點做朋友呀？」

可嵐寸爆疑似「小三」Ruby機心重兼境界高，為阿Yu抱不平！（資料圖片）

可嵐透露當年參加內地歌唱比賽時經Roy介紹才與Ruby聯絡：「係Roy推薦我參加，之後就叫Ruby同我接洽。（覺得Roy冇定力？）我當年家暴佢有撐我，唔明佢點解會發生同一件事，我好多問號。」對於好姊妹阿Yu離家出走，可嵐說：「唔可以話佢離家出走，佢冇錯，當年我畀人打都驚到唔敢返屋企，心理壓力好大，見過鬼怕黑啦！（呢幾日有冇搵阿Yu？）冇，冇聽冇覆，相信佢喺安全地方。」