苗僑偉昨日出席「威利來進駐百佳超級市場」發布會，平日愛跟好友淺嘗美酒的他，自爆斷片後「借醉行兇」狂咀男人，並笑說：「好在唔係攬住女人咀，唔係就大件事！」

苗僑偉出席「威利來進駐百佳超級市場」發布會時表示，愛與好友飲酒。

苗僑偉出席「威利來進駐百佳超級市場」發布會時表示，愛與好友飲酒。

苗僑偉（右）與曾志偉常相約飯聚及飲酒。（資料圖片）

苗僑偉（三哥）昨日以代言人身份出席「威利來進駐百佳超級市場」發布會，架上墨鏡的他即場揮筆在酒瓶上簽名，並送予百佳超級市場採購經理梁靜淑。三哥表示平日飲酒會點到即止，又稱喜歡有少少High的感覺，坦言怕醉的他醉前一刻便會停，而最近一次喝醉是在去年太太戚美珍的生日派對上，並自爆斷片後「借醉行兇」的趣事：「我醉咗最多瞓覺，之後冇晒記憶，後來睇番相先知，我周圍捉啲男人咀，好在我酒醉三分醒，唔係攬住女人咀就大件事！」

志偉靠勇劈對手

談到老友均愛劈酒，尤其曾志偉出名「打直入、打橫出」，三哥笑說：「佢哋有勇字喺身，其實志偉唔鍾意飲酒，唔係品嘗，係狂劈，佢啲對手隊到佢瞓低先收手，我鍾意拔蘭地，同朋友淺嘗美酒就最好。」他又透露早前一家四口到外地享受陽光與球場，笑言返港後要即刻「還債」，為無綫劇《使徒行者》做宣傳，又指劇中與江美儀有蜻蜓點水式吻戲。