女星周麗淇（Niki）與男友徐正曦、導演劉家豪及監製梅小青等昨晚出席nowTV劇集《衛子夫》祝捷會，Niki到場後不停與其他演員傾偈，完全當男友透明，被冷落的正曦只好無奈地對鏡頭傻笑。其後記者要求二人合照，Niki起初耍手擰頭，最後亦「被迫」合照。徐正曦受訪時冧爆表示跟Niki不會鬧交，問到何時養起女友？他說：「隨時都可以！（視Niki為結婚對象？）一定！（幾時？）加油！好快！我哋都係有計劃嘅人，大家有共識，往後方向係一齊。」而Niki獲悉男友「愛的承諾」後即甜笑說：「咁咪啱囉！大家努力，我唔係等人養嘅女仔，我搵錢自己使，佢搵錢養我，我咪收兩份！（同場尷尬？）冇呀！我哋日日都傾，唔使喺度傾。」

周麗淇透露男友徐正曦送了驚喜生日禮物給她。

此外，Niki及黃芷晴昨日出席《Daisy Balloon個人藝術展＠海港城》活動，剛過生日的Niki透露男友送了驚喜禮物及鮮花。