鍾欣潼（阿嬌）、容祖兒、泳兒、鍾舒漫（Sherman）及許靖韻（Angela）昨日於澳門出席記者會，提及荷里活逾百女星爆發「裸照風暴」，當年曾被床照困擾的阿嬌感同身受地說：「大家偷睇完仲反鬧人哋唔啱？」

阿嬌坦言有使用iCloud，但只放一些生活及風景照。

祖兒自爆最近沒有時間Keep Fit，故長了不少肥膏。

Angela（左起）、泳兒及Sherman齊齊出席記者會。

阿嬌及祖兒昨日不約而同穿上黑色裙現身澳門活動，阿嬌身形明顯Fit了不少，對於逾百荷里活女星因iCloud被黑客入侵，大批私密裸照慘於網上瘋傳，雖然話題敏感，但阿嬌仍大方表示有使用iCloud：「啲相都係自己、朋友、影吓風景同雲嘅相，因為都好方便，啲相會自動上載上去。」問到是否替一班荷里活女星不值？她說：「呢樣根本就係好私人嘅嘢，大家偷睇咗人哋嘅嘢仲反鬧人哋唔啱，人哋唔係自願公開畀人睇嘅。」至於可有看過這批女星裸照？阿嬌說：「冇睇晒！（有啲都影得幾有美感？）有冇美感都唔應該睇嘅。」

祖兒自嘲小不點冇嘢睇

另外，祖兒表示近日沒有時間做運動，故長出不少肥膏，當記者提議她做「晚間運動」時，祖兒即尷尬地說：「咩呀……係帶氧運動，跑步同Sit-up嗰啲。」而她更抵死地說：「啲肥膏又走唔啱位，自己推吓佢囉！」至於「裸照風暴」，祖兒表示其手機內的照片都習慣放到外置Hard Disk，之前用了十年的Hard Disk壞了，幸有一個專家朋友上門花了三日修復。問到裏面可有艷照？她笑說：「冇大家見到會嘔嘅嘢。（冇點睇？）小不點有乜好睇呢？」

至於Sherman與祖兒一樣會將相片儲存在外置Hard Disk，而裏面亦只有與男友吳浩康的情侶相，絕對沒有慾照。而Angela則習慣將相片儲存到記憶手指，並稱內裏沒有性感照。