一個單親媽咪，一個樂壇驕女，姬蒂與鄉謠天后Taylor Swift年齡相差11歲，但因為一齊拍電影《The Giver》成為好朋友，加埋人細鬼大的「小公主」蘇莉，三人行去Shopping食好嘢，做咗姊妹淘。姬蒂出身嚴肅的家庭，而Taylor亦是家教好嚴的千金大小姐，同聲同氣，姬蒂湊女時會約埋Taylor，三個人結伴上美甲店，扮完靚就去歎壽司。

Taylor好錫蘇莉，形容她是年紀最幼的Best Best Friend，亦緊張姬蒂冇拖拍，勸她同「大叔」湯告魯斯分開後，應該搵個後生靚仔重新開始，不過保守的姬蒂就唔接受姊弟戀。