十位進身決賽的香港小姐昨日到將軍澳出席記者會拉票，司儀錢嘉樂及王祖藍睇好(3)黃碧蓮奪冠，嘉樂說：「佢係原子鏸同李亞男嘅混合體，真係幾得意！」祖藍聞言即反駁：「佢似原子鏸同湯盈盈嘅混合體多啲！」而獲睇好的黃碧蓮說：「唔會因為多人支持而信心爆棚，自己信心OK，都多人話我似原子鏸，可能啲動作、行為似啦！」

(3)黃碧蓮信心爆棚，難怪錢嘉樂及王祖藍都睇好她。

錢嘉樂、王祖藍

叻哥貼(11)吳凱欣（左起）、(9)王卓淇及(15)邵珮詩為三甲人選。

至於頂頭大熱(11)吳凱欣，對於黃碧蓮變成勁敵，她說：「唔諗咁多，我都覺得黃碧蓮好得意。」又坦言會上網投自己一票，不會投給黃碧蓮。而陳百祥則貼(9)王卓淇、(11)吳凱欣及(15)邵珮詩，但又覺得黃碧蓮上鏡有利吸票。王卓淇說：「好開心，叻哥喺準決賽嘅眼神已經畀到我好大嘅鼓勵。我都有呼籲朋友投票，有朋友仲幫我開咗個群組拉票。」她坦言對奪冠充滿信心。