陳百祥與黃杏秀前晚在長沙灣一間火鍋店慶祝35周年結婚紀念，約七十位朋友到賀，叻哥攬實太太唱歌示愛，又發表愛的宣言：「佢唔係人，係天仙下凡！」令秀姑冧爆！

叻哥即場唱中、英文情歌之餘，又發表愛的宣言，令秀姑勁冧。

叻哥及秀姑獲贈巨型紅酒作為賀禮，喜上眉梢。

郭少明伉儷與叻哥及秀姑在派對上狂歡。

羅家英（左）及羅鈞滿亦來分享叻哥及秀姑的喜悅。

陳百祥（叻哥）與黃杏秀前晚慶祝35周年結婚紀念，宴請逾七十位好友齊齊分享喜悅，莎莎國際主席郭少明伉儷、前無綫高層梁家樹、導演王晶、藝人羅家英及羅鈞滿等均有出席。郭少明準備了大量紅酒及白酒，更贈送一支超巨型紅酒作賀禮。當工作人員捧出燒乳豬時，叻哥即攬實秀姑唱中、英文情歌，又以《小風波》向太太示愛，更甜蜜地面貼太太，秀姑一臉冧爆！其後叻哥發表愛的宣言：「我一生人嘅幸福，竟然係一個咁嘅女人嫁畀我，佢唔係人，佢係天仙下凡。」

唔鍾意二人世界

問到35周年結婚紀念為何不大事慶祝，叻哥笑說：「點解要大搞？搞我都幾慘，我唯一一生係錯呢樣，如果唔係幾多女人鍾意呀！我咩條件都咁好！（太太埋怨每年都一班人慶祝？）唔係喎！佢最鍾意朋友，永遠唔鍾意二人世界。」問到有否準備禮物，叻哥說：「冇，唔使送，佢乜都擸晒，我幫佢打工！」提到未能飛往峇里賀鍾鎮濤結婚，他即祝一對新人生活開心。

羅家英淺酌慶賀

而肝癌病愈的羅家英亦有到賀，他說：「會飲少少紅酒。（依家身體狀況點？）OK，都打得波，依家Keep住三個月檢查一次！」問到太太汪明荃可知道他飲酒，家英哥即搞鬼地說：「佢梗係唔畀，但少少都容許。」而同場的羅鈞滿被問到何時結婚，他說：「仲慢慢努力起步緊！」