歌手吳若希（Jinny）前晚為新劇獻出螢幕初吻，羅仲謙原本可奪得Jinny的「第一次」，卻被港姐冠軍陳凱琳的緋聞男友溫家偉截胡！Jinny對健碩男情有獨鍾，經常傻笑的她又投訴對手「啲鬚好拮」！

蓄勢待發
吳若希及溫家偉「做足準備」埋身激咀，夠晒「重口味」！

錫面熱身

飛擒大咬

陳凱琳未獲緋聞男友溫家偉備案，會唔會呷醋o架？

溫家偉成功「截胡」，奪去Jinny的螢幕初吻。

吳若希與溫家偉前晚到九龍灣為無綫新劇《衝線》拍咀嘴戲，她拍攝前應付自如，咀嘴時卻不禁傻笑，又投訴對手「啲鬚好拮」，難掩緊張心情，幸而仍能在數Take內完成拍攝。

兩大猛男輪住咀

Jinny透露螢幕初吻的受惠對象本來另有其人：「本來係畀羅仲謙嘅，但佢有工作去咗搵真銀，所以拍咗溫家偉先。我本身鍾意健碩型男士，監製就特登安排兩個大隻仔畀我！為咗呢場咀戲，我特登食咗咖喱，等大隻仔聞住咖喱味嚟做戲！（唔怕佢緋聞女友陳凱琳呷醋？）唔怕，我哋都係做嘢啫，係拍劇需要！況且我哋之前都喺公司撞過陳凱琳啦！冇尷尬呀！」

溫家偉亦做足準備，務求令Jinny的第一次更難忘，他說：「為咗吳若希，我今日特登食咗好多葱！之前開工放飯知道原來佢憎葱味，哈哈！（唔怕陳凱琳唔鍾意？）佢可能唔知我拍Kiss戲，我哋只係朋友，冇咩好嬲！」