徐子珊、李思捷及馬德鐘等昨日在電視城為無綫新劇試造型，期間子珊堅稱與思捷「撻唔着」，更笑稱會避開對方的必殺電眼！

「爛仔」馬德鐘與子珊合照時刻意Chok出「衰格樣」！

一眾「蠱惑仔」大晒紋身，張名雅（左）及黃心穎兩個乖女夾喺中間似乎有啲怪喎！

思捷（左）及馬德鐘拎刀互片，真係咁大仇口？

「小三」張名雅不經意晒纖腰，夠晒誘惑！

徐子珊、李思捷、馬德鐘及張名雅等昨日在電視城為無綫新劇《以和為貴》（暫名）試造型，劇中飾演蠱惑仔的演員如許家傑及翟威廉等在身上印上「以和為貴」的字眼，德鐘及思捷更拿起假刀互劈！問到會否怕與緋聞多多的李思捷傳緋聞？子珊即笑稱要避開對方的迷人電眼：「應該唔會！（思捷睇女好眼利？）咁我避開佢眼神！（唔係你杯茶？）佢係太多人杯茶啦！」

張名雅出招撬牆腳

她又自爆劇中與「小三」張名雅同居：「同佢集集都嘈，住上層嘅佢好嘈，成日騷擾我哋！現實冇可能接受！」

至於飾演金毛律師的思捷，角色性格較為好勝，追女仔時志在必得，問到會否擔心與徐子珊、黃心穎傳緋聞？他說：「唔驚，唔理！（會避忌？）唔會，未避忌過！」

馬德鐘「爛招」調解

馬德鐘自爆飾演「爛仔」調解員，並指此劇是他在無綫最後的部頭約劇集，問到會否續約？他說：「傾吓先，邊拍邊傾，出邊都有公司傾緊。（有咩條件？）作為演員想有新嘗試。」此外，戴假髮及穿露腰裝的張名雅自爆在劇中要與子珊「爭仔」，大感緊張，又透露會在劇中載歌載舞。