女星不時被網民惡搞改圖，貴為網絡女神的「B餐人妻」謝安琪對此說：「我覺得如果冇傷害性都可以接受，但畀人惡搞剝光豬真係唔可以接受喇，個人認為上網玩都係求開心啫，但玩之餘都希望網民可以尊重別人，千祈唔可以過火！」

「人妻」謝安琪對網友的過火惡搞圖有所保留！（資料圖片）

曾被惡搞的鄧麗欣深明箇中感受，並有感不受尊重。（資料圖片）

此外，歌手鄧麗欣（Stephy）早前亦曾被惡搞，她受訪時坦言站在女性角度來看覺得不被尊重：「試過畀人整一次，當然喺女性角度係好唔鍾意，一來自己睇到唔開心，二來外界有啲人睇咗會以為係真，我覺得如果啲人真係有啲咁嘅癖好，都係自己收埋嚟睇好喇！唔好公諸於世！亦希望呢啲事唔好再發生。」