高海寧全家Ling被剝清
宅男女神高海寧（高Ling）慘遭狂迷「剝清」！繼上次全家福遭網友改圖成「全家Ling」後，近日再有全裸及幾乎全裸的「高Ling剝清圖」流出，仍蒙在鼓裏的高Ling看後即嚇到「嘩嘩聲」，坦言尷尬及有感不被尊重，似乎「全家Ling」好過被「剝清」！
初看「剝清圖」的高Ling反應極大，嚇到O嘴。
晒腿的高Ling希望粉絲多多支持新劇。
有樣有身材的高Ling深得網友歡心，惡搞、改圖都預埋佢！
形象健康性感的宅男女神高Ling，向來屬不少網民的心中至愛，有瘋狂網友對她的熱愛達至「剝清」程度！近日網上流傳「高Ling剝清圖」，圖中左右手均拖住小朋友的高Ling，被人移花接木改成全裸及幾乎全裸的圖片，上、下半身的重要部位只以極細的貼紙遮掩，意識相當大膽！
O嘴「眼火爆」
前晚無綫新劇《使徒行者》舉行首播飯局打邊爐，以白色低胸連身短裙亮相的高Ling，外加一件透視橫紋外衣，誘人事業線若隱若現！問到被「剝清」一事，高Ling坦言毫不知情，其後透過手提電話目睹自己被「剝清」後即「O嘴」慘叫：「嘩！有冇搞錯呀！」接着則笑說：「條腰應該幼啲嘛！又唔係冇我着泳衣嘅相，應該用番我條腰！」幽默語調盡顯其「最緊要靚」的心態！
高Ling自爆已非首次成為網友的惡搞對象：「都唔係第一次啦！對上一次將我張全家福改到個個都係我個樣！」原來早前有網友將高Ling一幅溫馨洋溢的一家六口全家福，改圖成全是高Ling樣的一家六口照，慘變「全家Ling」！她坦言當時已感不快，但萬料不到今次更成「剝光豬」對象：「其實身為公眾人物都好尷尬，會唔會唔係咁好呢？仲係拖住兩個細路仔，我覺得好唔尊重我。」
對於可能是狂迷所為，高Ling則表現得不以為意：「好無謂！改圖嘅人應該用時間去做啲更加有意義嘅事，例如做吓義工咁！」記者再指改圖者可能是太愛她所致，她即趁機宣傳新劇：「真係鍾意我就應該睇《使徒行者》，唔好再咁無聊喇！」她又透露要到20集才會出現在新劇中，笑言喜歡她的粉絲一定要耐心等待。
