歌手JW、胡諾言、陳琪及汪琳前晚現身沙田大會堂,JW與小朋友表演舞蹈,她說:「佢哋記舞步好清楚,好有Energy ,搞到我都好緊張。」

JW自稱乖女,不受毒品引誘。

陳琪向老公胡諾言獻吻賀牛一。

JW稱有留意藝人涉毒新聞:「人生中總有犯錯時,最重要識改正。(試過被誘?)喺英國好大機會碰到呢啲引誘,但我身邊朋友都好健康,我雖然都有出去玩,但我乖乖女嚟!」

適逢牛一的胡諾言說:「我23號生日,嚟睇個女表演,但阿女綵排時扭傷腳,少少腫,冇大礙。」汪琳則透露計劃為愛女追個細妹或細佬。