與周子揚拍拖14日「閃分」的何傲兒昨日出席活動，坦言心情已平復，正忙拍《Sunday扮嘢王》及新劇《衝線》，問到是否寄情工作？她說：「冇諗咁多，有好多工作等緊我，緣分要嚟就會嚟。」

何傲兒表示目前以唱劇集主題曲為目標。

談到中秋跟誰人月兩團圓，追月出世的傲兒說：「希望同自己喜歡嘅人、家人，亦好期待同同事慶祝，因為生日有工開代表全年好忙。（快啲搵真命天子？）我唔急，依家最適合單身、投入工作，當然緣分要來擋都擋唔住。（畀上段戀情嚇怕？）我處理感情事一向好低調，唔覺意被人偷影咗先公開，原來公開咗都有壓力。」並稱下次拍拖穩定也不介意公開。傲兒透露中秋考慮送健康月餅給「契爺」林建名，對於林生有意簽她為旗下藝人，她說：「同公司仲有一段時間合約喺身，呢啲唔諗住，公司畀咁多機會我，希望留喺公司。」