鄭敬基一連兩場的《鄭敬基一起敲鋼琴演唱會》前晚在演藝學院圓滿結束,好友湯盈盈、周家蔚、鍾麗淇,還有82歲母親等捧場。全晚驚喜不斷,Encore時鄭伊健與鄭敬基合唱1991年的參賽歌《Home Alone》,伊健笑說:「我當時提議跳舞,但得我唔齊(舞步)。」

伊健(右)與鄭敬基合唱當年的參賽歌《Home Alone》送驚喜。

問到台上與緋聞女友瑪姬作狀嘴對嘴?鄭敬基笑言是Gimmick,當好友黃寶欣追問戀情時,他說:「有嘅一定會第一時間同寶欣講。」他更大讚伊健有心:「一開始話要搵到蔡濟文先肯演出,但後來佢自己出現,佢透過朋友問我哋幾時綵排。」又否認有壓力禿。

此外,伊健昨日到旺角出席電影《分手100次》原聲大碟簽唱會,即場獻唱。雖然新歌未能放在電影內,但伊健未覺可惜:「我覺得咁耐做唔到情歌係因為冇呢個主題,直至到呢套戲。」他又指和周秀娜合作搞的咖啡店遲遲未能成事,是因租太貴,又坦言想買舖位。