孖女組合AOA是如假包換的孖生姊妹，除了外貌上難以分辨之外，連興趣都一模一樣！姊姊吳燕珊（Annelle，大Ann）與妹妹吳燕菁（Annice，細Ann）平日最愛影相，細Ann尤其喜愛自拍。時下的青春少艾都喜歡上載靚相博Like，AOA卻反其道而行，以拍攝趣怪照片為主：「平時自拍多數都會搞怪吓，就算同朋友聚會都會影啲個樣騎騎呢呢嘅相！」

似到足的孖妹大Ann（左）和細Ann，嘟嘴方式原來有不同！

嘟嘴細Ann
細Ann自打一錘，心痛死班狂蜂浪蝶喇！

AOA扮惡都咁Cute，幾得人鍾意！

圓眼大Ann

兩位靚女坦言恨拍拖，但拍趣怪照片不怕嚇走心儀對象嗎？細Ann笑說：「都唔會呀！因為我覺得影搞怪相會畀人覺得更有親和力，而且多數男仔都會鍾意啲真性情嘅女仔，偶爾搞怪吓，氹到人哋，開心自己都開心！」

毫不介意展露真性情的她更自爆艷遇：「之前試過影啲相得到好多人讚好，亦都試過畀人問攞電話添！」雖然兩姊妹愛走「搞鬼」路線，但每張相都搞怪不足、可愛有餘，難怪不乏裙下之臣！