黃芷晴Be Myself

受父親黃日華薰陶而愛上演戲的黃芷晴，堅持其演戲的原則，即使嚴父監場大罵，芷晴都天不怕地不怕，沿用自己的一套去演繹角色，因為這位小妮子覺得自己要長大了！

芷晴用行動證明90後並非不努力，只是用他們自己的一套去努力。

黃日華和梁潔華同是演員出身，身為女兒的芷晴入行自然有壓力。

煞食父女檔

擁有一雙巧手的芷晴喜歡DIY，更希望擁有自家品牌。

直認演技有進步空間的芷晴如此虛心，有前途！

24歲女拍拖有乜出奇？芷晴更坦言男友見過爹哋。

又靚又索的芷晴是各大品牌活動的寵兒。

子女謝霆鋒、謝婷婷

謝賢、狄波拉

子女姜文杰、姜麗文

秦沛

子女徐偉棟、徐穎堃

徐少強、雪梨

女兒關楓馨

關禮傑

黃芷晴自小受父親黃日華的薰陶而愛上做戲，讀中學的時候踏上舞台，更參加學校的話劇團，一心向演戲之路進發。她最開心的是父母都贊成她入娛樂圈，初時母親梁潔華想她以學業為先，讀完書才入娛樂圈，但最後卻自自然然踏上星途。對於演戲，芷晴坦言演技仍有待磨練，雖然她外表斯文，但最想做的角色竟然是女警，因為覺得夠正義。

嚴父教做「功課」

身為資深演員的黃日華對芷晴特別嚴厲，無論是演技或個人修養也是，芷晴說：「爸爸有教我做戲，成日都叫我要做準備，又會拎我啲劇本讀，對我嚟講就好似做功課咁！除咗演技外，佢仲教我要守時，要有禮貌！」黃日華親傳演藝心得，無疑是袋錢落佢袋，但父親的訓示有時會令她感到難堪：「有次拍劇，佢當住成班人面前鬧我，因為嗰場係拍喊戲，佢話我講對白好差，問我有冇做好準備，但其實我有自己一套，最後場喊戲導演收貨，冇問題。」

雖然父親是一位嚴父，但她亦大讚父親會了解她的生活，又會提醒她注意生活作息。對於芷晴手工藝方面的工作，黃日華亦願意仔細了解，更給她很大的空間和自由度，讓她想清楚想以演員還是設計作為職業。

提起手工藝設計，熱愛DIY的芷晴希望有一個屬於自己的品牌：「呢樣嘢係畀我減壓，因為我唔係成日出街，喺空閒時可以搵到自己鍾意做嘅嘢，都幾好！」母親梁潔華亦支持她做設計，提到患血癌的母親的身體狀況，芷晴坦言母親的病令她更明白家人的重要：「佢之前病我覺得突然！因為媽咪成日提點我要保重身體，而且佢做保險，了解好多身體上嘅問題，我都開始覺得係時候要照顧媽咪。」

5年後結婚喇

經歷家人患病後，芷晴發覺自己長大了，學懂獨立，去旅行都會自己一手一腳執行李。黃家有女初長成，大個女自然會開始戀愛。對於感情事，她亦有自己的一套，就是大方承認：「入咗行後就畀人影到，我已經盡量低調喇！我哋拍咗兩年，感情穩定，爸爸都見過，初頭佢都唔理，之後就開始Close，仲有一齊睇戲添！」現年24歲的她計劃於29歲結婚，夢想在草地舉行一個懷舊婚禮，她說：「請一班好朋友到場就得，唔使點搞到咁大，最重要係用自己錢同能力。」年紀輕輕的芷晴，對於將來的人生，早已計劃好，憑自己的努力開墾在黃日華的庇蔭和光環之外的康莊大道。