首屆《粵語歌曲排行榜頒獎典禮》前晚舉行，天后容祖兒延續在各大頒獎禮的好成績，連奪三個半獎成為大贏家！她透露早前欣賞陳嘉佳（小寶）模仿她後有意嘗試「扮嘢」滋味，大玩反串！

祖兒一如以往成為大贏家，捧走3.5個獎項做「粵曲」天后。

鄭融側身叉腰騷Quali，擺定甫士任你影！

泳兒（左起）、羅力威、鍾舒漫及林欣彤齊齊捧獎返歸，有收穫！

Kary收起「峰」芒，大晒招牌長腿搶鏡。

羅力威與祖兒深情對唱，令歌迷聽出耳油。

天后容祖兒、張敬軒、吳雨霏及張智霖等本地歌手，前晚齊集九展出席由RoadShow及廣東廣播電視台主辦的《第一屆粵語歌曲排行榜頒獎典禮》。大會全晚頒發多個粵語歌曲獎項，容祖兒連奪「最受歡迎專輯」、「至尊金曲」、「媒體聯頒最受歡迎女歌手」及「最受歡迎合唱歌」共3.5個獎項，成為大贏家！她在台上特意多謝大會，喜獲再度演繹作品的機會。

無綫最近熱播《Sunday扮嘢王》，祖兒自爆是捧場客：「有睇小寶扮我，佢跳得好勁，扮揈頭髮好正！」她笑言自小已是廖偉雄及盧海鵬等「扮嘢」前輩的小粉絲，認為自己沒甚特點，沒料到會成為模仿對象：「都想試吓扮其他人，我最叻扮周華健，把聲好似，要反串都可以！」

軒仔錄音室光榮結業

另外，軒仔的內地錄音室早前面對政府收地問題，他透露一直跟有關當局協商：「依家可以宣布爭取失敗，錄音室11月會結束，我為呢件事喊咗幾晚！」他又坦言不會再做同樣工作：「我為個錄音室花咗兩、三年時間，影響太多人同事，當中做過好多巨星同電影，都算係光榮結業！」至於晒長腿上陣的吳雨霏（Kary）表示，有留意舊愛余文樂的妹妹日前獲男友求婚的報道：「有傳短訊恭喜佢妹妹，戥佢開心！」而所屬經理人最近離職的組合天堂鳥透露，現正物色新經理人：「最緊要夾得好，大家相處得好。」