張家輝、余文樂、童星王詩齡及王晶等昨晨於元朗片場拍攝電影《賭城風雲2》煞科戲，剛由內地宣傳新片回港的家輝，大談日前為支持肌肉萎縮性痛脊髓側索硬化症（ALS）「自編自導自演」的淋冰片：「嗰日喺上海做嘢，一起身未刷牙就拍，Tag咗嘅發哥、王晶同劉偉強全部請我食檸檬。有日同劉偉強開工，佢話會『找數』，點知最後唔記得咗，唔緊要啦！佢哋平日都做善事嘅。」

余文樂（左）與張家輝趁空檔談笑風生，輕鬆完成煞科戲。

劉偉強耐心教導詩齡如何入戲，努力培育影壇新血。

王晶指不會刻意為愛女搭路，因她是「王晶個女」已比其他人着數。

導演劉國昌早前力邀王子涵露點拍新片，子涵父親晶哥即怒不可遏發表「食屎論」，他昨日拒收回相關言論：「我都未講『見鑊打鑊』呀！（搵對方溝通？）佢搵我囉，又唔係唔識我，但可能中間出咗啲問題。」他指絕不偏私，《賭》片開拍以來一直冇打算安排角色「栽培」子涵：「佢要自己累積多啲演出經驗。」