Smart Casual相信大家聽得多，但究竟何謂Smart Casual？連經常擔任大大小小活動主持的司儀界能手林盛斌（Bob）都被考起，更在微博向粉絲求救，認真搞笑！

腦筋快兼口才了得的藝人林盛斌（Bob），近年在司儀界享負盛名，深受客戶歡迎，故早前接Job接到手軟的他終於頂唔順，病倒「入廠」，幸他日前已康復並重投工作懷抱。回復精靈的Bob在微博上載一張「成面泡」的自拍照，並搞笑問道：「每當客戶同我講『Bob，麻煩你聽日着Smart Casual吖』，我個心就會諗『其實我本身已經好Smart，咁係咪着Casual啲就OK』，講真，有冇人可以好認真、好學術咁話我知咩係Smart Casual？」

雖然圖文不符，惟網友依然踴躍留言，認真解答Bob的疑問：「Casual得嚟唔好污糟囉」、「休閒服，即係唔使着西裝打呔一套襯嗰類，以輕便為原則之餘，唔可以着背心短褲拖鞋」、「就係求其着但係要着得好睇」，不知Bob是否已有所領悟呢？