混血名模Rosemary昨日出席格鬥比賽記者會，提到早前與母親Julie失去聯絡，她透露母親已主動致電她：「其實係佢身體唔好，唔想畀我知，但我哋係一家人要互相關心。（仲有冇嬲你？）唔係嬲我，佢身邊朋友見到報道都有通知佢，佢話只係想靜吓，我有叫佢以後唔可以咁。」她指母親因患病，健康狀況未容許搭飛機，故不能出席她在外地舉辦的婚禮派對。

Rosemary表示已和母親聯絡上。

JC踢腿有板有眼。

同場的Jessica C.自爆曾學習拳擊，希望與眾猛男睇齊，問到可特別鍾情肌肉男，她興奮地說：「好鍾意，男朋友都好大隻，有時畀佢撞到彈開添。」