陳偉霆（William）昨日與衛詩雅出席海港城活動，近年專注內地發展的他憑劇集《古劍奇譚》在內地爆紅，問到是否勁賺「人仔」？William說：「未，仲未開始，之前儲落嗰啲都買晒物業！（買咗幾多？）四層，所以冇晒喇！（幾時買畀阿Sa？）點都買咗畀阿媽先。」問到四層樓歸誰名下？William尷尬地說：「四層都係自己嘅！」談到在內人氣急升，終於不用被冠名「阿Sa男友」，他說：「名詞嘅嘢唔重要，反而開心係啲人會留意番我之前嘅作品。」雖然與阿Sa各有各忙，但William稱用信任來維繫，亦會爭取見面機會。

William在活動上展示畫功。

衛詩雅摺出巨型紙鶴。