官恩娜（Ella）及林二汶昨日接受now電視台訪問兼宣傳新歌，講到新歌歌詞涉及感情問題，Ella說：「我都有同閨密傾拍拖嘢，仲勸佢唔好同嗰個男仔一齊，點知搞到連朋友都冇得做，所以依家只做聆聽者！」談到現時的愛情觀，她笑說：「啲男仔唔理你有冇男友都照追，試過有個男性朋友突然同我講：『雖然你條隊係長啲，但我會照等嘅！』」她有感錯信該位處心積慮的男友人，即時疏遠他，問到會否再與圈中人拍拖，她說：「我都冇同圈中人拍過拖！」即被報以噓聲。而林二汶則自嘲「神婆」，拍拖前會夾星座，問到若發現不夾會怎辦，她說：「都會試吓，點都要攞埋鏡拼吓。」

遇到男友人告白，官恩娜即時疏遠對方。