湯洛雯拒愛林師傑心掛掛

藝人湯洛雯、林師傑與高海寧等前晚亮相無綫劇集《愛．回家》的晚宴，緋聞情侶湯洛雯與林師傑大方合照，但她強調仍是單身：「我哋係普通朋友。（嚇走真命天子？）我都未Ready。」還自爆只愛專一男，即被追問是否因而拒愛被指花心的師傑？她說：「唔會！佢好好人，都識咗年幾。」同樣否認戀情的林師傑則自爆會「掛住」對方：「我平常都會掛住思思（湯洛雯劇中角色），但唔係掛住湯洛雯！（假戲真做？）唔會抽離唔到。」他亦自稱冇女友，又否認花心：「咁要怪我阿媽同阿爸，將我個樣生成咁（輕浮），其實我連追人都唔敢。」另外，現場宣布高海寧等8位演員將加盟《愛》劇。