無綫藝人唐詩詠昨日與新劇《載得有情人》拍檔黎耀祥與蘇玉華等落區探訪基層市民，提到男友崔建邦被《好報》拍得與新歡夜蒲，因而爆出兩人「分」訊，詩詠坦言有祝福對方：「有睇新聞，祝福佢，佢唔細喇要結婚，但我冇酸溜溜。（幾時同點解分手？）唔講！係和平分手，仲係好好朋友。（出現第三者？）冇。（點解諗成秒先答？）冇呀！唔關事。（你話佢適婚，係咪有人唔想結婚？）個問題咁私人嘅？啱就一齊，唔啱就分開，我都未到適婚年齡。」還自爆未有着落：「有朋友想介紹我，但我驚相睇，慢慢嚟！寧缺勿濫。（唔再同圈中人拍拖？）冇所謂，睇性格夾唔夾。」

唐詩詠指與崔建邦和平分手，不涉及小三。

崔建邦

另一邊廂，崔建邦出席港姐活動時表示「好朋友」可稱為K小姐，承認舊愛詩詠有致電問候，但他不相信對方與「脹爆伊健」拍拖，並指該男子是舊同事，傾生意而已。