楊千出席芭蕾舞學校活動時向在場記者展示囝囝唱歌片段，只見片中的他邊唱邊擺甫士，表情得意，難怪千看後忍不住大叫起來！

楊千嬅大讚囝囝有唱歌天分，唔知大個咗會唔會入行做歌手呢？

楊千嬅昨日出席芭蕾舞學校舉辦的50周年活動，到場後即獲校監廖本懷夫人（毛妹太平紳士）熱情招待，她透露與校監相識多年，雖然早已答應好友杜德偉到紅館看其個唱，但仍趁空檔到場支持。她自爆曾在該校學習芭蕾舞：「自己都唔好意思，其實我係學生之一。（學咗幾多年？）學咗三十年都有，哎吔！都係唔講幾年，不過真係由細學到大。」

擺甫士勁得意

對於獲校監主動邀請兒子丁進諾（Torres）參與芭蕾舞訓練，千嬅表示訓練過程非常刻苦，怕他年紀較小未能應付：「下次，唔知佢咪腳趾得唔得，係唔係校監親自教授先？（畀唔畀囝囝學？）跳芭蕾可以強身健體，但唔知佢轉完圈會唔會暈，都係等佢大啲先，佢得兩歲幾，佢仲細，呢啲要睇佢興趣。」

千嬅表示當初是由母親安排學習芭蕾舞，根本沒有意識到她的興趣：「媽咪覺得跳舞好淑女，記得嗰時成日跳到爆腳甲，跳舞前仲要紮繃帶。」隨即又主動給在場記者觀看Torres的唱歌得意短片，片中的Torres對住家中電視，大唱她的歌曲《飲酒思源》，邊唱邊擺甫士，十分得意！千嬅說：「因為我媽咪好掛住我，所以成日喺屋企播我嘅歌。（冧唔冧？）之前忙住喺片場拍劇，已經好掛住佢，見到佢唱我嘅歌，即場喊咗出嚟！（老公丁子高呢？）佢搶住認叻，話因為佢比我更鍾意唱，所以Torres興趣先係唱歌，但我唔會理佢！」