百果園咪神陳靜（DaDa）昨日以代言人身份到美食博覽出席宣傳活動，她說：「係第一個品牌做咗三年代言人，希望有第四年！（有冇加錢？）呢啲係公司決定，對價錢好滿意！（每年都加？）唔多。（現場咁多人，着咁性感驚唔驚？）唔驚，大會有保安開路。」

陳靜低胸晒腿，索呀！

她透露稍後的工作主要是宣傳有份主演的電影《Z風暴》：「會去深圳、中山等地宣傳，好開心，係我第一部喺內地上映嘅電影。（喺內地發展？）其實自己鍾情香港，屋企人都喺香港，喺內地工作可以學到唔到地方嘅文化。（喺內地會唔會着得咁性感？）會密實啲。」她表示不會自行聘請保安，相信電影公司方面的安排會很安全。