江若琳與人氣韓星安宰賢前日出席活動時背對背合照，安宰賢更咬手指大擺Chok樣，令現場500名粉絲發出高分貝尖叫，就連江若琳亦變成小粉絲，坦言與對方合照時有一點緊張！

身穿連身短裙江若琳大騷白滑長腿，卻被安宰賢的咬手指Chok樣搶去不少風頭。

安宰賢大擺心形手勢冧粉絲。

安宰賢貼心地為天梭表香港及澳門副總裁溫京蕾（中）撥走頭上彩紙，令在旁的江若琳驚嘆。

江若琳及安宰賢等前日出席《瑞士天梭表-第17屆韓國仁川亞運倒數展覽揭幕禮》時背對背合照，期間安宰賢更咬手指Chok樣，江若琳坦言與對方合照時有些少緊張：「但佢好Nice！」而與寰宇公司有合約糾紛的她透露，早前到英國進修兩個多星期並順道休息，問到目前是否自由身，她說：「處理中，工作係新接嘅！（可以接工作？）都畀人告咗啦！有適合嘅工作我都會做！」有指她賣了母親的樓解財困，她說：「媽媽精神上支持，喺經濟上佢係全世界唯一獨家專有免息分期借貸公司。」她又否認被內地土豪照顧的傳聞。

細心體貼好男人

而同場的安宰賢甫出場，即以廣東話向現場500名粉絲打招呼：「大家好，我係安宰賢，我愛香港，多謝、多謝！」他全程表情多多，不但向粉絲揮手及做心形手勢，更舉起V字手勢及嘟嘴賣萌，還做出單手握拳動作為將參與仁川亞運的運動員打氣，令現場粉絲尖叫。細心的他不但遞上手帕給大會司儀林慧倩抹汗，更主動為品牌香港及澳門副總裁溫京蕾撥走頭上彩紙，難怪可俘虜萬千少女的心！

安宰賢坦言這次是第二次來港：「上次冇乜人識，得一、兩個粉絲，今次好多人，好開心！（有冇嚇親？）有啲嚇親，我喺機場出嚟嗰陣以為出錯門口。」又坦言香港美食很合胃口，還大讚香港女生有活力。問到是否合乎他的擇偶條件，他說：「我鍾意開朗嘅人。」昨午他離港返韓，吸引逾40名粉絲送機，戴上黑框眼鏡的他，親切地向紛絲揮手及微笑，又不時鞠躬，盡顯親民一面。