佘詩曼昨日出席活動，獲小朋友送心形咕口臣，祝她早日有新戀情，逗得阿佘哈哈大笑，大會還以「美魔女」形容她，阿佘起初不明所以，明白後則笑指不介意，認為靚才是重點。

獲小朋友送心形咕　的阿佘開心甜笑。

已完成電影《衝上雲霄》香港部分的她，將於下月初到英國取景，預計逗留十多天，問到會否趁機購物？她說：「應該有時間，但唔敢講預幾多錢。反而食嘢就會諗定。（同古天樂演情侶驚傳緋聞？）唔驚得咁多，盡情投入做好角色。（親熱戲？）仲改緊，導演想完美啲。（有指張智霖原本同你有感情線，但驚激親袁詠儀，所以最後改佢同郭采潔演一對？）大家專業嘅，唔會囉！」

談到林峯近日於內地宣傳時，指香港演員唔夠「墨水」，阿佘說：「拍古裝的確要對時代有認識，之前我拍《建元風雲》都有睇關忽必烈嘅書（對歷史有興趣？）職業囉！（睇唔明？）冇辦法，盡量吸收。」